Tag Archives: drinking songs

Tak Anither Dram

I thought I’d give you a rest, loyal readers, from political diatribes, and instead publish a song I wrote, words and music, upwards of fifty years ago. It appeared in a collection of my tunes put out by Fiddlehead Publications in Halifax N.S., but never got much publicity. It’s a drinking song, but the tune can be used (and was used by the bands I was in) as a hornpipe in medleys for Scottish country dancing. The words are as follows:

O, it’s blithe when your cronies are a’ gaithered roun’ the table,
And it’s merry when the whisky is a-flowing in the cup;
For there’s owre mony bodies want to keep us driech and dowie,
But we’ll send them to the deil and syne we’ll fill our glesses up.
O, the man that can look at us wi’ face sae dour and lang,
He is but fu’ o’ jealousy we are sae free;
Sae come on then, my jolly lads, and jine into my sang,
Gae tak anither dram, and drink wi’ me.

When the nicht it is mirky and the win’ aroun’ is howlin’
Ye’ll be gled to be inside and hae a bottle at yer mou’;
And ye’ll aye be gled an’ happy when ye see yer frien’s a-comin’,
Yer frien’s that aye hae been to ye sae loyal and sae true.
There’s some will scorn and say that every friendship it must fade,
And sae it may wi’ ither men, it seems to be;
But I’m shair ye’ll aye hae mind, houever mony years hae gaed,
Hou ye’d tak anither dram, and drink wi’ me.

O the days they gae by, and ilka day we’re gettin’ aulder,
But we’ll never care, for we can aye remember we were young,
When we gaed to the jiggin’, or we had a drucken rammy,
And we liltet bonny sangs that were sae sweet upon the tongue.
Let them that’s sour, and envy us, dae what the deil they may,
A better set o’ cronies they will never see;
Sae come on then, my jolly lads, we’ll hae our Hogmanay,
Gae tak anither dram, and drink wi’ me.



Leave a comment

Filed under Music, Texts